Bhaiyo akhir kar khushkhabri agai hai Sukkur Hyderabad motorway wali. Bohat saal se sun rahe the ke banega banega lekin banta nahi tha. Ab is bar lagta hai ke waqai banega.
Hukumat ne bola hai ke 705 million dollar mil gaya hai. Matlab paisa agaya hai ab kaam shuru hoga. November December 2026 me thekay denge. Matlab is saal ke akhir me kaam shuru.
Dekho ye road bohat zaroori hai. Karachi se Sukkur jao to beech wala hissa kharab hai. N-5 wali road pe bohat rash hota hai, truck kharab khare hote hain, accident roz hota hai. Agar M-6 ban gaya to seedha motorway pe jao ge.
Ye kul 306 kilometer hai. Sukkur se leke Hyderabad tak. Beech me 5 hissy kiye hain.
Pehla hissa Sukkur se Rani Pur tak 60 km ka hai. Ye wala hissa Khairpur ke pas se guzrega. Dusra hissa Rani Pur se Naushehro Feroz tak 61 km ka. Teesra wala Naushehro Feroz se Nawabshah tak 65 km ka. Chotha Nawabshah se Tando Adam 63 km aur akhri Tando Adam se Hyderabad 57 km.
Ab paisa kahan se aya? Islamic Bank ne 475 million dollar diya hai do hisson ke liye. Aur OPEC Fund ne 230 million dollar diya hai ek hisse ke liye. Baqi do hissy jo hain wo private logon ke sath mil ke banenge, usko PPP bolte hain.
Suna hai ke Section 3 aur 4 ke liye companyon ne paisy bhar diye hain, ab check ho raha hai kaun sasta bana ke dega. Section 5 ke liye October me kagaz khulenge. Phir November December me final kar denge ke kaun banayega.
Aur jo 2 hissy Hyderabad wali side ke hain, Tando Adam aur Nawabshah wale, unka faisla February 2027 me hoga. ADB wala bank usme madad kar raha hai.
Bhai ye motorway ban gai to faida hi faida hai. Abhi Sukkur se Hyderabad tak 5, 6 ghanta lag jata hai. Kabhi kabhi to 7 ghanta bhi lag jata hai road kharab hone ki wajah se. Motorway pe 3 ghante me pohanch jao ge. Petrol bhi bachega, gari bhi kharab nahi hogi.
Dosra faida ye ke accident kam ho jayenge. N-5 pe to roz koi na koi truck ulta hota hai. Motorway pe side se koi nahi ayega, janwar nahi ayega, to mehfooz rahega safar.
Teesra Sindh ke logon ko rozgar milega. Jab road banegi to hazaron mazdoor lagenge. Phir road ke kinare hotel, pump, dukaan banenge. Meri zameen to Naushehro Feroz me hai, wahan abhi 2 lakh ka acre hai, suna hai motorway ke bad 5 lakh ho jayega.
Ek masla bhi hai. Senate me ek meeting hui thi, wahan bataya ke paisa kam hai. 537 arab chahiye tha lekin sirf 255 arab diya hai. Is wajah se dar hai ke kahin phir delay na ho jaye. Lekin is motorway ke liye dollar bahar se agaya hai to iska kaam nahi rukega inshallah.
Log kehte hain ke ye project 2017 se sun rahe hain. Har hukumat ati hai kehti hai banayenge lekin banata koi nahi. Imran Khan ke time pe bhi bola tha, Shahbaz Sharif ne bhi bola tha. Ab dekho is bar November me theka hota hai ya nahi. Umeed to hai.
Agar ye road ban gai to Karachi se Peshawar tak full motorway ho jayegi. Matlab Karachi se gari nikalo aur seedha Lahore, Islamabad chale jao bina kisi kharab road ke. Ye Pakistan ka sab se bara road network ban jayega.
Karachi wale jo Sukkur jate hain apni family se milne, unke liye to bohat asani ho jayegi. Abhi to log darte hain N-5 pe jane se, loot maar bhi hoti hai. Motorway pe police hogi, lights hongi to mehfooz hoga.
Kuch log kehte hain ke is road ki wajah se kuch logon ki zameen jayegi. Ye to hota hai har road me. Lekin hukumat paisa deti hai zameen ka. Aur zameen walo ko road ke bad zyada faida hi hoga.
Meri to dua hai ke ye jaldi ban jaye. Sindh ko iski bohat zaroorat hai. Punjab me to motorway hi motorway hai, hamare pas ek bhi sahi motorway nahi hai Sukkur se aage.
To bhaiyo intezar karo November December tak. Agar thekay ho gaye to samjho kaam pakka hai. 2 saal me road tayyar ho jayegi. Matlab 2028 ke akhir tak ap is pe safar kar rahe honge inshallah.
Ap kya kehte ho? Apka ghar is road ke kareeb hai? Comment me batio
M-6 Motorway Ki Kul Lagat Kitni Hai?
Bhai log poochte hain ke is road pe kitna paisa lagega. Suna hai ke 363 arab rupee lagega. Isme se hukumat 30 arab de rahi hai is saal. Baqi paisa bahar ke bank de rahe hain. Ye bohat mehenga project hai lekin faida bhi utna hi hai.
Sukkur Hyderabad Motorway Ka Route Map Kya Hai?
Ye road Sukkur se shuru hogi, Khairpur, Rani Pur, Naushehro Feroz, Nawabshah, Sanghar, Tando Adam se hoti hui Hyderabad tak jayegi. Beech me Mirpur Khas walo ko bhi faida hoga. Ye seedha rasta hai, desert wali side se guzrega.
M-6 Motorway Ka Kya Faida Hoga Awam Ko?
Sab se bara faida time bachega. Dosra petrol bachega. Teesra gari mehfooz rahegi. Aur akhri faida ye ke Sindh me karobar barhega. Karachi ka maal jaldi Punjab jayega.